მეცხრე სამუშაო დღის რეფლექსია

შევაჯამეთ ტრენინგ-კურსის დროს გავლილი მასალა და განხორციელებული აქტივობები.

პორტფოლიოებში არსებული დოკუმენტები გადავიყვანეთ PDF ფორმატში, რის შემდეგაც ჩვენი საქაღალდეები ავტვირთეთ Drive-ში და გამოვაქვეყნეთ ბლოგზე.

მოვისმინეთ ჯგუფის თითოეული წევრის პრეზენტაციები მათ მიერ შერჩეულ სასწავლო პროექტებზე და შევავსეთ შეფასების ფორმები, სადაც დავასახელეთ პროექტის სამი დადებითი ასპექტი და ორი სარეკომენდაციო ხასიათის ასპექტი გაუმჯობესებისათვის.

P.S.  უღრმესი მადლობა, ნინო, საინტერესო და ნაყოფიერი მუშაობისათვის.
        გისურვებთ წარმატებებს...

მერვე სამუშაო დღის რეფლექსია

ვიმუშავეთ მე-7 მოდულზე-,,ფასილიტაცია ტექნოლოგიებით".

გავეცანით ინსტრუმენტს, რომლის საშუალებით მოსწავლეები შეძლებენ ინტერნეტის  გამოყენებით კვლევის ჩატარებას თანატოლებში. შევქმენით პროექტის თემასთან დაკავშირებული კვლევის დოკუმენტი და ამ დოკუმენტის პასუხების ფორმა. აღნიშნული დოკუმენტი ავტვირთეთ ბლოგზე და განვათავსეთ New page-ში ბმულის სახით.

ბლოგზე ვიმუშავეთ გაჯეტების შექმნაზე. ჩავსვით სურათი, გამოკითხვის ფორმა და საათი.

მეშვიდე სამუშაო დღის რეფლექსია

ვიმუშავეთ მე-6 მოდულზე - ,,დაგეგმვა მოსწავლეთა წარმატებისათვის".
ერთმანეთს გავუზიარეთ მოსწავლეთა სავარაუდო ნაშრომების შეფასების რუბრიკები და გავაკეთეთ კომენტარები.
განვიხილეთ პრეზენტაცია - ,,ინდივიდუალური განსხვავებები სწავლის დროს", სადაც საუბარი იყო სწავლის სხვადასხვა სტილზე: აღქმის სტილი,  მრავალმხრივი ინტელექტი, მარჯვენა და მარცხენა ჰემისფეროების დომინირება.
ვიმსჯელეთ, როგორ შევუწყოთ ხელი მოსწავლეებში თვითეფექტიანობისა და თვითრეგულირებადი სწავლის უნარის განვითარებას.
გავეცანით იმ ფორმების, შაბლონებისა და დოკუმენტების ნიმუშებს, რომელთა გამოყენებაც მოსწავლეებს პროექტზე მუშაობის დროს გამოადგებათ.
ნიმუშის მიხედვით შევქმენით შაბლონი სხვადასხვა საჭიროების მქონე მოსწავლეებისათვის (მაგ. სუსტი მოსწავლისათვის), რომელიც მათ პროექტზე მუშაობას გაუადვილებთ და პროექტზე მუშაობისათვის საჭირო თვითრეგულირების უნარის განვითარებაში დაეხმარებათ.

მეექვსე სამუშაო დღის რეფლექსია

ვიმუშავეთ მე-5 მოდულზე - ,,მოსწავლეთა პროექტების შეფასება".
განვიხილეთ მაგალითი - პროექტის ,,მეტრული სიგიჯე" პრეზენტაცია და განვიხილეთ ამ პრეზენტციის შეფასების რუბრიკა, რომლის საფუძველზეც შევადგინეთ მოსწავლის სავარაუდო ნაშრომის (მულტიმედიური პრეზენტაციის) შეფასების რუბრიკა.
მოვიძიეთ ვიდეო YouTube-ზე და ავტვირთეთ ბლოგზე.

ვიდეო

მეხუთე სამუშაო დღის რეფლექსია

გავეცანით ჯგუფის წევრების მიერ წინა მოდულში შექმნილ სასწავლო პროექტების პრეზენტაციებს და გავაკეთეთ კომენტარები.

ვიმუშავეთ მესამე მოდულზე - ,,კავშირები". გავეცანით პროექტზე მუშაობის დროს ინტერნეტის გამოყენების წესს. განვიხილეთ, რა არის საავტორო უფლებები და რა გავლენა აქვს საავტორო უფლებების კანონმდებლობასა და გამოყენების წესებს ჩვენს სასწავლო გარემოზე. გავეცანით ციტირების პოსტერს, ბიბლიოგრაფიის შაბლონს და ნიმუშებს. პროექტისთვის მოვიძიეთ სურათები, ვიდეო და შევავსეთ ,,გამოყენებული ლიტერატურის" შაბლონი, სადაც მივუთითეთ ვებ-გვერდის სახელი და მისამართი.

ვიმუშავეთ მე-4 მოდულზე - ,,სასწავლო ნიმუშის შექმნა". შევქმენით მოსწავლის სავარაუდო ნაშრომი და გამოვაქვეყნეთ ბლოგზე.

მოსწავლის სავარაუდო ნაშრომი

სასწავლო პროექტის პრეზენტაცია

მეოთხე სამუშაო დღის რეფლექსია

გავაგრძელეთ მუშაობა მე-2 მოდულზე - ,,სასწავლო პროექტის დაგეგმვა".

განვიხილეთ შეფასების  მეთოდები,  განმავითარებელი და განმსაზღვრელი შეფასების სტრატეგიები (5 სტრატეგია) და ამ სტრატეგიების სხვადასხვა მეთოდები. შევარჩიეთ ჩვენთვის სასურველი მეთოდები და ჩვენს პორტფოლიოებში, ,,პროექტის გეგმაში" შევავსეთ შეფასების გეგმის გრაფა.

Word-ის დოკუმენტში შევქმენით მოსწავლეთა საჭიროების (წინარე ცოდნის დადგენის) შეფასების ინსტრუმენტები: ,,გონებრივი იერიში", ,,ვენნის დიაგრამა", ,,ვიცი, მინდა ვიცოდე, ვისწავლე".

მოვამზადეთ პროექტის პრეზენტაციები Power Point-ში და ავტვირთეთ ბლოგზე.

მესამე სამუშაო დღის რეფლექსია

ვიმუშავეთ მე-2 მოდულზე - ,,სასწავლო პროექტის დაგეგმვა". სასწავლო პროექტის გეგმაში შევიმუშავეთ სტანდარტი და სტანდარტიდან გამომდინარე დავწერეთ მიზნები და ამოცანები.
განვიხილეთ პრეზენტაცია-,,მიმართულების მიმცემი საკვანძო სიტყვები" და გავეცანით შეკითხვის ტიპებს (ზოგადი, თემატური, შინაარსობრივი) და გავეცანით ნიმუშებს.
ვიმუშავეთ Google Drive-ში, გავაზიარეთ დოკუმენტები და ვიმუშავეთ წყვილებში.

მეორე სამუშაო დღის რეფლექსია

ვისაუბრეთ პროექტებით სწავლების დროს პუბლიკაციების მომზადების აუცილებლობაზე, მაგალითად მშობლებისათვის, კოლეგებისათვის და ა.შ. გავეცანით გამოცემის შაბლონების ნიმუშებს და ვისწავლეთ Word-ის პროგრამაში პუბლიკაციების დამზადება: სურათის ჩასმა, სათაურების გაკეთება, ტექსტის ჩასმა და დიზაინი.
ჩვენი პროექტისთვის დავამზადეთ პუბლიკაცია მშობლებისათვის და შევინახეთ ჩვენს პორტფოლიოებში.

საპროექტო იდეა - ,,დავიცვათ ჩვენი გარემო"

მოსწავლეები გაეცნობიან მსოფლიოში არსებულ ეკოლოგიურ პრობლემებს, შეისწავლიან, გააანალიზებენ და შეაფასებენ რა ეკოლოგიური პრობლემებია ადგილობრივ გარემოში, გააცნობიერებენ თავიანთ როლს პრობლემასთან მიმართებაში და დასახავენ პრობლემის გადაჭრის გზებს.

პირველი სამუშაო დღის რეფლექსია

გავეცანით ინტელის ძირითადი კურსის თითოეული მოდულის შინაარსს და მოსალოდნელ შედეგებს. ვისაუბრეთ პროექტზე დაფუძნებული სწავლების მნიშვნელობაზე. განვიხილეთ 21-ე საუკუნის უნარ-ჩვევები, პროექტის მახასიათებლები და მოთხოვნები.
გავეცანით პორტფოლიოს შემადგენელ ნაწილებს და შევქმენით ანალოგიური სტრუქტურის ჩვენი საქაღალდე პორტფოლიო.
ასევე შევქმენით ახალი ბლოგი - ,,ინტელის ძირითადი კურსი''.